Usa sa mga wala na ilhi nga exemplary Cebuano si Ruperto Gumera. Amahan siya sa pito ka bata, gabuhi ug nakapaeskwela sa iyang mga anak sa iyang pagkaapostero lang. Sitenta uno anyos na siya ug kwarenta na katuig sa iyang trabaho. Sa iyang salig sa ginoo, nahimo niya nga maatubang ang tanang kalisod sa pagkaamahan sa dakong pamilya. Sa kalisod sa panginabuhi wala siya magpagpada sa temtasyon sa daling kwarta. Naningkamot siya nga mabuhat ang iyang responsibilidad sa iyang pagkaamahan gamit sa iyang talento o nahibaw-an. Ang usa sa iyang anak nga nakahuman ug korso mangtutudlo naa na sa Amerika ug kini ang nagtabang kaniya ug buhi sa ilang pamilya karon. Usa ka baptist si Manoy Ruperto ug kini grabe ug salig sa ginoo. Makita ni nimo sa iyang inisturyaan ug sa iyang pamaagi sa iyang kinabuhi. Wala gyud siya mawagtangan ug paglaom sa iyang mga pangandoy pero sa iya, mulihok siya para maabot kini. Si Manoy Ruperto dili ni dato pero tarong nga sugbuanon sa iyang mga ginagmay nga pamaagi. Nagbayad siya sa saktong buhis, nagtabang sa mga masnanginahanglan, wala manikas sa iyang pangayo sa iyang pagka apostero, ug napadako iyang mga anak nga naay salig sa ginoo, pangandoy sa kinabuhi, pagsalig ug sa pagpraktis sa close family ties maski sa kalisod sa ilang kinabuhi. Kini si Manoy Ruperto ug iyang asawa nangadopt pud og usa ka babae na bata, si Kathy Gumera, maski na pito na ilang anak. Gipangga ni nila nga murag ilahang dugo ug gipaeskwela. Maski sa pagkamabdos ug pagminyo ni Kathy tungod sa dala sa iyang barkada, sa pagkaundang sa iyang pageskwela, si Manoy Ruperto wala niya gisalikway kini pero gihigugma gihapon ug gidawat.
Daghan kaayo ug exemplary Cebuano diri sa sugbo pero sa akong panghunahuna sa mga ginagmay nga pamaagi ni Manoy Ruperto daghan kaayo tagmakatunan ug sa iyang pagkatao makita nato unsay nakapanindot sa sugbo. Ang mga ingon ani nga tao maoy nakahimo ug dakong diperensya sa Sugbo.
Sa laing bahin, sa among interview pasensyado kaayo si Manoy Ruperto. Maski Nagkalisod ko og pasabot kaniya, mangita siya ug paagi nga magkasinabot mi. Nalipay siya sa pagkahibaw niya nga para ni sa eskwelahan. Nalipay ug nalinggaw siya nga ang pagkasugbuanon matagan ug importasya. Maski ni "hang" akong cellphone, pasensyado kay siya sa pamaagi ug dagan sa interview. Maski nagkalisod ko aning buhaton, nalingaw ko ug daghan kog nakatunan. Dinhing dapita, nalipay ko nga natagan mi aning buhaton kay naabli akong mata sa daghang butang bilang usa ka Mass Communications student ug bilang usa ka sugbuanon.
