Kamingaw sa Payag

August 2, 2008

Sa akong pagmata, kalit nakong nabati ang kasakit sa akong ulo. Mura kinig gimartilyo, kusog, lawom, sakit. Sakit kaayo. Sa dili madugay nadungog nako ang kasaba sa akong palibot. Mao ang nagtukmod nako nga mubangon bisag unsa ka bugat ang akong gipamati. Sa kada tikang padulong sa hagdanan, wa koy magunitan sa akong mga kamot. Naglutaw ang akong alimpatakan. Nabuta ko sa kahayag sa adlaw. Nisangpit ang hangin sa akong dunggan. Andam nako muatubang sa laing bahin ning akong sugilanon. Gipugos nako ang akong kaugalingon nga muginhawa bisag lisod. Ang katin-aw sa palibot nagbasol nga wa matagad. Ang luha nga nagdagayday sa akong aping nga di man gani matrapuhan. Kani tanan, bisag unsa kasakit.. ihog nalang sa kalimot. Ug ugma, lain na pud nga kasakit ang akong atubangon.

August 6, 2008
Ni adto ko sa Ayala kuyog sa akong uyab. Pagabot didto ni kaon mi ug fries, hotdog sandwich ug coke float. Lingaw kaayo ko nga nalimot ko nga gikan diay mi og away ganinang buntag. Gwapa kaayo siya sa iyang gisulob nga itom nga bistida. Sa lahing bahin, gisapot ko sa akong maguwang nga amaw. Kalagot ko kay ang iyang pahimongtan sa iyang problema iyang anak nga site anyos nga walay buot ug walay labot. Wala niya bayri ang eskwelahan kay iyang gigasto sa iyang laag unya wala siya maghunahuna sa iyang mga anak. Makairit. Gisapot naming tanan. Dili niya pwede gamiton nga rason nga gimingaw siya sa iyang bana maong nagingon ana siya. Mura siyang nagpakabuang. Nagpalabi na siya sa iyang gibati. Whahahahaha..... (^_^)


August 14, 2008

Ang kaguol nga akong gibati murag makamatay. Mulakaw na siya ugma. Wala na koy rason pa nga dili ni mahunahuna. Unsaon nalang nako kung wala na siya sa akong tapad ika gabie? Mura kog mabuang maghunahuna pa lang gani. Kung mingawon ko kaniya, unsa man akong buhaton para madala nako ang kasakit aning paminawa? Saba ang balay pero wala koy laing madungan kon dili ang hilak sa sulod nako. Akong dughan naghuot pero hilom ra akong kaguol. Kinsa man ang iyang hunahunaon kung naa na siya didto? Mingawon ba siya nako pareha sa akong kamingaw kaniya? Naglabad na akong ulo sa daghang pangutana nagdagandagan sa akong utok. Karon gabie naa pa siya matulog sa akong tupad. Ugma.....?

August 21, 2008
Kapoy kaayo akong lawas. Mura kog gikan og gira. Adtong niaging sabado, nagpaibot ko og ngipon. Sa bag-ang. Sakit kaayo ug daghan kaayo gigamit nga anistesya ang dentista. Paet. Maypa wala nako gidaladala lang ang buslot sa akong ngipon. Tanawa na unsa na hinoun. Mas sakit pa karon akong na abot tungod sa akong pagkahadlokan.

Sa laing bahin, nalipay ko karon adlawa kay nakuha nako ang resulta sa akong grado sa midterm sa duha nako ka major subjects ug nalipay ko sa akong nahibaw-an. Nalingaw pud ko sa pahkuha og picture sa akong maguwang nga igsoon. Gusto siya magpalitrato kay iyang ibutang sa iyang friendster nga account. Malipayon ko karon adlawa maski nag sakit gihapon akong ngipon. Bahala na. Gusto ko malipay.

August28, 2008

Akong adlaw nagsugod ug bati. Na late ko sa akong 7:30 nga klase og gidugo pa gyud ko. 1st day pa gyud. Kung mahunahuna lang nimo unsa ka mug-ot akong nawung, magpasalamat ka nga wala ka makakita. Naa pay bati na ko ug nawung daan, magmug-ot pa gyud. Naglabad akong ulo kadtong hapit na maniudto. Kapila nako nagpa print sa among homework sa English 3 nga klase sayop pirme. Gisapot na gyud ko og nisugod na og abot akong kilay. Paghapit na pamuhi, nigaan na og sugod akong paminaw. Pero bug-at akong pus-on. Pagsakay na nako ug jip, gisapot ko kay mura og bao ang dryber mupadagan sa iyang sakyanan. Init kaayo og baho ang tambutso. Pagabot nako sa balay, ni kaon ko og kamote og ni inom og coke. Nagisturya mi sa akong mama para sa akong interview para sa among Com26. Nalingaw ming duha kay puros mi naglisod og pagsulti sa among gusto ipaabot gamit nga mag bisaya. Unya kalit lang nisamok akong amahan nga gwapo og naputol kini. Unya nalang mi ika gabie magpadayon sa among interview (proper). Unya mao ni karon nga naghimo ko ani og sa akong lima ka cebuano words. Maayong hapon kanimo.

September 1, 2008

Ang akong tiyan nagsakit pa, gikan pa ni aging gabie. Wala ko hilisi sa akong mga gipangaon sa fiesta sa San Fernando nga akong kuyog mao akong uyab og iyang mga amiga. Ang among gi adto kay amiga pod usab kaniya. Ang among plano kay mangligo unta mi sa pool sa Hidden Paradise pero tungod sa kadahang tawo wala nalang mi mo dayon ug didto nalang mi nagstambay sa may dagat sa atbang ra sa among gi istaran. Pagpadulong na namo og uli, busog pa kaayo ko unya ni kaon pa gyud ko pagabot sa balay. Ambot lang ngano. Nisuol akong hangol.

Karon adlawa, daghan mga panghitabo nga naka painit sa akong ulo. Pero wala nalang ko magpadala ug akong gibuhat akong mga buhaton para sa eskwelahan ug sa uban bahin sa akong kinabuhi. Pareha ani karon, akong gipaabot ang mga panghitabo sa akong kinabuhi. Naglabad na gyud akong ulo. Daghan pa gihapon kaayo og mga buhaton. Pero dili ko pwede nga magpadala kay mapatyan unya ko sa akong amahan kung magtinapol uroy ko. Pagabot pa gyud nako sa balay, akong pinalanggang amahan na yawyaw na pud. Paet. Wala nalang namo tagda sa akong mga igsoon nga lalaki. Pasagdan nalang para dili mo dako ang gubot.

September 12, 2008

Naglabad akong ulo pagmata nako ganina buntag. Tungod kay dugay ko nakamata, wala nako makakaon og pamahaw og ni ditso na sa eskwelahan. Ang sulod sa akong tiyan cape ra. Pagabot didto, ni diritso ko sa studyhall og nihigda sa lingkuranan og ni abli sa libro nga akong gibasa sukad gabie. Ni agi ang pila ka minuto og sa wala mabantaye nakatulog na diay ko. Paghapit na alas 10, nibangon ko og nipalit og hamburger sa canteen. Og kani akong gidali-dali og kaon nga mura nalang wala nako ni usapa sa kagutom. 10:30 na sa buntag og klase na nako. Usa kini ka major subject og kay absent ko sa katapusang hinayon, wala ko kahibalo sa mga buhaton. Pagsugod na, nakalitan ko kay naa na diay mi final requirement para aning subject. Pamati nako layo pa kaayo ang finals nga wala lang nako hunahuna ang kapaspas sa dagan sa oras. Samtang paghuman aning klaseha, ni kaon ko sa may karendirya sa gawas sa eskwelahan tungod kay barato ang baligya didto. Og kini ang praktikal nga buhaton sa usa ka estudyante same nako. Paghuman sa akong mga klase aning adlawa, ni ditso nako og uli kay dili na madala ang kalabad sa akong ulo og gini gibati gihapon nako karon hangtod aning panahona nga nagtype ko diri.

(^_^)

September 18, 2008

Sayo pa kaayo sa buntag. Alas tres pa sa kadlawon pero akong mata nagtutok pa sa computer. Ang akong utok naglutaw na gamay sa duka nga akong gibati. Ang capi nga naa sa akong kilid hapit na mubugnaw. Paet. Wala koy tulog aron. Nagtanaw na pud ko og DVD kay ni suol akong insomia. Ang akong utok murag isuka niya ang akong mga hunahuna sa daghan nga buhaton sa eskwelahan. Ni suol akong tapol mao nga nagpundok nalang tanan. Makalagot og akong aligotgot karon ako ra pud hinimo tungod sa akong tapol nga walay kaluoy nga musuolsuol og kalit.

Karon simanaha, daghan ang labad sa ulo. Hapit na ang finals week og kami mga estudyante gipuno sa mga mangtutudlo og mga buhaton. Labi na sa among mga major subjects. Malibog baya gamay pero ang mga buhaton gadala og kinabuhi kanako. Kung mas busy ko, kung maslabad akong ulo, mas mura kog buhi. Unsa nalang kaha ang matan-aw sa tao nga mubasa ani? Unsa nalang ko nga klase sa pagkatao? Miserable nalang kaayo ko kay kung iduot ko, mas maganahan ko mulihok ug mas mamaayo akong paghimo sa mga buhaton? (^_^)

Maayo unta nga dili lang ko mamatay aning pressure nga maghatag nako og force.

September 27, 2008

Sa usa ka minuto naka limot ko sa kadaghanon sa akong buhaton. akong igsoon nga ika duha sa mga anak, ni bisita diri sa balay. Kuyog niya ang yaya ug iyang anak nga si Janico. Mura man to siya og kabuwangon sa iyang bana nga among tawagon og SHREK. hehehe. Mao kini among angga kaniya kay bati man siya og nawung unya hambugiro pa man hinuon. Baga man siya og nawung ug walay kauwaw sa akong ginikanan. Nalipay ko kay naka bisita siya kay dili man musogot si Shrek nga mu ari si Sapphire (Akong Igsoon). Dili man gani siya gusto nga mag sturya lang sa telepono. Ambot niya. Mura siyang buang nga iro.

Sa laing bahin, hapit na Finals namo. Gahapon Birthday sa among maestro nga karon mao ang gabasa ani. Unta nindot iyang adlaw adtong iyang adlaw. Ni text ko niya pero wala man siya mu reply. Basin og bese sad siya. C:

Ampo lang ko nga ika semestral break makalingawlingaw ko. Hehehehe. (^_^)

October 2, 2008

Hapit na birthday sa akong igsoon. Dungog nga muuli siya balik sa balay. Iyang byaan iyang bana nga si Shrek. :)
Lipay ra pud mi pero nagproblema mi sa gasto. Naa man siya anak usa kabuok. Mao ni nga lalake nga naadto sa Manila kay nagpaopera sa iyang kasingkasing nga wala pa siyay use ka tuig. Didto na sila sa Philippine Heart Center kay maka discount man didto unya nindot ang mga facilidad ug ang mga gamit.
Sa pila ka buwan ni agi, dili naman lipay akong igsoon. Paet. Mao nga nakahunhuna siya nga mu uli nalang ug magbuwag sila. Dili man sa ingon nga mubuhi dayon kung naay problema pero kung maabot na sa higayon nga naa nay pagabuso bisag gamay o unsa man ganing klaseha, maka ingon pud ka nga dapat ra byaan. Siya gihimung piniriso sa iyang bana. Dili diya pagawson sa balay. Dili siya pwede mag make-up, magsinena og mga pangbabae.
Sa laing bahin, gigutom nako. :)

October 9, 2008

Karon mga panahona na bati na gyud nako ang crisis. Mangita na ko og trabaho. Apil akong inahan naka ingon na nga kinahanglan nako mutrabaho. Semestral break na unta pero wala koy pahuway. Dili nako katulog og tarung.

Ang mag sige og sud sa akong utok kay kwarta, kinahanglan og kwarta, walay kwarta, kuwang kwarta. Akong mga ginikanan kay dili na nila makaya ang pagpaeskwela namong tulo nga nahabilin sa pamilya. :(

Ugma o karon gabie, mulakaw ko para mu survey sa mga call center. Mangita gyud. kwarta.

Maghimo pa ko o mag update sa akong resume. Sige. Dinhing tungod mu ingon nako, salamat og trabaho na pud akong atubangon.